ក្រុមហ៊ុន Apple បង្កើន​ទីតាំង​កម្ទេច iPhone ចាស់ៗ​បន្ថែម​ទៀត​ ​នៅ​សហរដ្ឋ​អាមេរិក!

(សាន់ហ្រ្វាន់ស៊ីស្កូ)៖ ក្រុមហ៊ុន Apple បានប្រកាសថា ខ្លួននឹងបង្កើនចំនួនទីតាំងនៅក្នុងសហរដ្ឋអាមេរិក ដែលអតិថិជនអាចធ្វើការផ្ញើ iPhone ចាស់ៗប្រើការលែងកើតរបស់ពួកគេ ទៅកម្ទេចចោលតាមរយៈរ៉ូបូតឈ្មោះ Daisy របស់ក្រុមហ៊ុន។ នេះបើតាមការដកស្រង់ ការផ្សាយចេញពីទីភ្នាក់ងារព័ត៌មានចិនស៊ីនហួរ នៅព្រឹកថ្ងៃសុក្រ ទី១៩ ខែមេសា ឆ្នាំ២០១៩។

ស្ថិតនៅក្រោមផ្នែកមួយនៃកម្មវិធីកែច្នៃឡើងវិញរបស់ខ្លួន Apple នឹងបង្កើនចំនួនទីកន្លែង ក្នុងនោះរួមមានទាំងហាង Best Buy នៅទូទាំងសហរដ្ឋអាមេរិក ដើម្បីជួយអតិថិជនក្នុងការផ្ញើទូរស័ព្ទដៃ iPhone ចាស់ៗរបស់ពួកគេ ដើម្បីមកធ្វើការកែច្នៃឡើងវិញ ហើយរ៉ូបូត Daisy នឹងជាអ្នកចាត់ចែងលើ ការដោះរុះរើស្មាតហ្វូតទាំងនោះ។

គួរជម្រាបថា បើតាមការឲ្យដឹងពីក្រុមហ៊ុន Apple ទូរស័ព្ទដៃ iPhone ចាស់ៗ ប្រហែល០១លានគ្រឿង ត្រូវបានអតិថិជនប្រគល់មកវិញ តាមរយៈកម្មវិធីខាងលើរបស់ Apple ហើយរ៉ូបូត Daisy មួយគ្រឿងៗអាចកម្ទេចទូរស័ព្ទ iPhone បាន ១.២លានគ្រឿងក្នុងមួយឆ្នាំ។ Apple បានបញ្ជាក់ថា Daisy មានសមត្ថភាពដោះរុះរើ iPhone ចំនួន ១៥ម៉ូដែលខុសគ្នាជាមួយល្បឿន ២០០គ្រឿងក្នុងមួយម៉ោង៕

You might also like More from author