ឥទ្ធិពល​ព្យុះទី២៧ ធ្វើឲ្យមាន​ភ្លៀងធ្លាក់ ពីមធ្យម​ទៅច្រើន និងខ្យល់បក់​បោកខ្លាំង ចាប់ពី​ថ្ងៃនេះ ដល់ថ្ងៃ​ទី២០ ខែវិច្ឆិកា

- Advertisement -

(ភ្នំពេញ)៖ ក្រសួងធនធានទឹក និងឧតុនិយមបាន ចេញសេចក្ដីជូនដំណឹងអំពីស្ថានភាព និងឥទ្ធិពលព្យុះទី២៧ ឈ្មោះ តូរាហ្ស៊ី កំពុងស្ថិតនៅប្រទេសវៀតណាម ដែលនឹងធ្វើដំណើរកាត់លើភាគខាងត្បូង ប្រទេសកម្ពុជា មុននឹងថយឥទ្ធិពលវិសម្ពាធវិញ នៅថ្ងៃទី១៩ ខែវិច្ឆិកា ឆ្នាំ២០១៨។

បើតាមក្រសួងធនធានទឹក ឥទ្ធិពលនេះនឹងធ្វើឲ្យអាកាសធាតុនៅកម្ពុជា ចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា មានភ្លៀងធ្លាក់ពីមធ្យមទៅខ្លាំង និងខ្យល់បក់បោកខ្លាំង ហើយតំបន់សមុទ្រមានរលកខ្ពស់ៗ។

ស្ថានភាពទាំងនេះហើយ ក្រសួងអំពាវនាវដល់ប្រជានេសាទរ និងអ្នកធ្វើដំណើរតាមសមុទ្រទាំងអស់ បង្កើនការប្រុងប្រយ័ត្នខ្ពស់ ចៀសវាងនូវគ្រោះថ្នាក់ផ្សេងៗ ដែលកើតឡើងជាតថាហេតុ៕

You might also like More from author