កាលបរិច្ឆេទ​ជំនួប El Clasico រវាង​ក្រុម​ខ្លាំង Real Madrid ប៉ះ FC Barcelona (ព័ត៌មានកីឡា ​ឧបត្ថម្ភដោយ Budweiser)

(ម៉ាឌ្រីដ)៖ ការប្រកួតបាល់ទាត់ដ៏សំខាន់នៃលីគអេស្ប៉ាញ LaLiga 2019-2020 រវាងក្រុមខ្លាំង Real Madrid ប៉ះ FC Barcelona ដែលឲ្យឈ្មោះថា El Clasico នឹងត្រូវធ្វើការប្រកួតនៅថ្ងៃទី១៨ ខែធ្នូចុងឆ្នាំនេះ ស្ថិតក្នុងការ ប្រជែងរក ៣ពិន្ទុសម្រាប់សប្តាហ៍ទី១០ ជើងទី១ ដែលខកខានដោយសារតែមានបញ្ហាអសន្តិសុខនៅកីឡដ្ឋាន Camp Nou ក៏ត្រូវបានពន្យារពេល។ នេះបើតាមសហព័ន្ធបាល់ទាត់ LaLiga ចេញផ្សាយ។

លីគអេស្ប៉ាញ La Liga ជំនួបសំខាន់ El Clasico រដូវកាលនេះ រៀងពិបាកបន្តិចដោយបញ្ហាអសន្តិសុខ នៅតំបន់កាតាឡាំង គ្រាដែលជំនួបនេះក្រុមទាំងពីរនឹងត្រូវជួបគ្នាកាលពីថ្ងៃទី២៦ ខែតុលានោះទេ តែដោយសារសន្តិសុខ ទើបសហព័ន្ធបាល់ទាត់អេស្ប៉ាញលើមកប្រកួតនៅថ្ងៃទី១៨ ខែធ្នូវិញនាកីឡដ្ឋាន Camp Nou ទឹកដីក្រុម Barcelona ជើងទី១ដែលកំពុងឈរលេខរៀងទី១ ហើយ Real Madrid ឈរលេខរៀងទី២ នៃលីគកំពូលតារាង LaLiga បច្ចុប្បន្ន។

ខណៈពេលនេះ Real Madrid និង FC Barcelona កំពុងតែមាន ២៥ពិន្ទុស្មើគ្នា គិតត្រឹម ១២ប្រកួត គ្រាដែលការប្រកួតនៅថ្ងៃទី១៨ ខែធ្នូខាងមុខសម្រាប់ក្រុមទាំង២ សុទ្ធតែត្រូវការឈ្នះប្រកួតចុងក្រោយដូចគ្នា ហើយក្នុងរដូវកាលឆ្នាំ២០១៩-២០២០ Real ទើបតែចាញ់ ១ប្រកួតប៉ុណ្ណោះ និងខ្សែប្រយុទ្ធ Banzema រកបាន ៩គ្រាប់ ចំណែកខ្សែប្រយុទ្ធ Messi តាមពីក្រោយមាន ៨គ្រាប់៕

You might also like More from author