Arsenal រក​បាន​ជ័យ​ជម្នះ ខណៈ Man Utd បាន​ត្រឹម​ស្មើ​ជា​មួយ Club Brugge នៅ Europa League (Video inside)

(ព្រុចសែល)៖ ក្រុមបាល់ទាត់អង់គ្លេស Arsenal បានយកឈ្នះក្រុមម្ចាស់ផ្ទះ Olympiacos របស់ក្រិកត្រឹម ១-០ ជើងទី១ គ្រាដែលបិសាចក្រហម Manchester United លេងស្មើគ្នា ១-១ ទល់នឹង Club Brugge ក្នុងការប្រជែងក្រៅដីក្នុងវគ្គ ៣២ក្រុមនៃពានរង្វាន់ Euorpa League 2019-2020 ដែលធ្វើឡើងនាថ្ងៃទី ២១ ខែកុម្ភៈ ឆ្នាំ២០២០។

ក្រុមកាំភ្លើងធំ Arsenal ស្ថិតក្រោមការដឹកនាំដោយលោក Mikel Arteta រកបានតែ ១គ្រាប់ដែលធ្វើបានដោយខ្សែប្រយុទ្ធ Alexandre Lacezette នៅតង់ទី២ នាទី៨១ ក្រោយពីបញ្ជូនបាល់បានយ៉ាងល្អរបស់មិត្តរួមក្រុម Bukayo Saka ខណៈការប្រកួតនេះលោកអាជ្ញាកណ្តាលបានចំណាយកាតលឿងអស់ចំនួន៦។

ងាកទៅចាប់អារម្មណ៍ដែល Man Utd លេងស្មើគ្មា ១-១ ជាមួយក្រុមម្ចាស់ផ្ទះ Brugge រកបានគ្រាប់នាំមុខនៅនាទី១៥ ដោយខ្សែប្រយុទ្ធ Bonaventure តែគូប្រជែង Man Utd បានព្យាយាមតាមស្មើដោយ Anthony Martial នៅនាទី៣៦។

សម្រាប់ការជួបគ្នានៅជើងទី២ ដើម្បីស្វែងរកក្រុមមានសិទ្ធិឡើងទៅវគ្គ ៨ក្រុមចុងក្រោយជាបន្ត ដែលការប្រកួតនេះត្រូវធ្វើឡើងនៅថ្ងៃទី២៨ ខែកុម្ភៈ ឆ្នាំ២០២០ នេះដោយក្រុម Man Utd ត្រូវបើកទ្វារផ្ទះទទួលក្រុម Club Brugge និង Arsenal ត្រូវជួបក្រុម Olympiacos នៅទឹកដីអង់គ្លេស វិញម្តង៕

You might also like More from author