Lewandowski ត្រូវ​សម្រាក​ព្យាបាល​របួស ៤សប្តាហ៍ ដែល​ខកខាន​ប្រកួត​ធំៗ​ជាមួយ Bayern

(ម៉ូនិច)៖ កីឡាករខ្សែប្រយុទ្ធឆ្នើម Robert Lewandowski នឹងត្រូវអវត្តមានរយៈពេល ៤សប្តាហ៍ ក្នុងជំនួបធំៗជាមួយក្រុមអាល្លឺម៉ង់ Bayern Munich ដោយត្រូវសម្រាកព្យាបាលរបួសជើង ហើយនិងខកខានប្រកួតជើងទី២ ទល់នឹងក្រុមតោខៀវ Chelsea ក្នុងពានរង្វាន់បាល់ទាត់អឺរ៉ុប UEFA Champions League និងការប្រកួតពាន DFB Pokal ជាមួយក្រុម Schalke 04 ថែមទៀតផង។

Lewandowski សញ្ជាតិប៉ូឡូញ ត្រូវសម្រាកព្យាបាលរបួស ៤សប្តាហ៍ ខណៈរូបគេកំពុងតែឈរកំពូលតារាងជាអ្នករកគ្រាប់បាល់ច្រើនជាងគេ ១១គ្រាប់បណ្តោះអាសន្ននៅ UCL រដូវកាលនេះ ហើយរបួសនេះបានកើតឡើងក្នុងការប្រកួតយកឈ្នះក្រុម Chelsea រូបគេបានរួមចំណែក ២លើកនៃគ្រាប់ ២គ្រាប់របស់មិត្តរួមក្រុម Serge Gnabry កាលពីប្រកួតជើងទី១ នៅទឹកដីអង់គ្លេស។

បច្ចុប្បន្ន Lewandowski ក៏អាចអវត្តមាន ៦ប្រកួត គ្រាដែលកំពុងរកបាន ៣៩គ្រាប់ក្នុងចំណោម ៣៣ប្រកួតជាមួយក្រុម Bayern Munich គ្រប់កម្មវិធីប្រកួតនារដូវកាលនេះ ហើយក្រុមនេះកំពុងតែឈរលើកំពូលតារាង Bundesliga មាន ៤៩ពិន្ទុទៀងផង៕

You might also like More from author