បាត់ដំបង ឈ្នះ​មេដាយ​តេក្វាន់ដូ WTF ច្រើន​ជាង​គេ ក្នុង​កីឡា​សិស្ស​ថ្នាក់​ជាតិ លើក​ទី១

(ភ្នំពេញ)៖ ការប្រកួតកីឡាតេក្វាន់ដូ WTF នៃព្រឹត្តិការណ៍កីឡាសិស្សថ្នាក់ជាតិ លើកទី១ បានបញ្ចប់ហើយ នៅព្រឹកថ្ងៃទី១៨ ខែមិថុនានេះ ខណៈខេត្តបាត់ដំបូង ដណ្ដើមបានមេដាយច្រើនជាងគេ ក្រោយដំណើរការប្រកួត ជាច្រើនថ្ងៃកន្លងទៅ។

សម្រាប់ប្រភេទកីឡាតេក្វាន់ដូស្ទីលកូរ៉េខាងត្បូងនេះ គឺមានអត្តពលិកមកពីរាជធានី-ខេត្ដចំនួន ១០ចូលរួម ដូចជារាជធានីភ្នំពេញ, កំពង់ចាម កំពត កណ្ដាល តាកែវ ព្រៃវែង សៀមរាប មណ្ឌលគិរី រតនគិរី និងខេត្តបាត់ ដំបង ដែលបានចូលរួមប្រកួតលើវិញ្ញាសាចំនួន១៣ ទាំងមេគុន និងប្រយុទ្ធ។

ជាលទ្ធផលខេត្តបាត់ដំបង ដណ្ដើមបានមេដាយច្រើនជាងគេសរុប ៨គ្រឿង មានមេដាយមាស៣ ប្រាក់៣ និងសំរឹទ្ធ២ ខណៈរាជធានីភ្នំពេញ ឈរលេខរៀងទី២ ដណ្ដើមបានមេដាយ ១០គ្រឿង តែមានមេដាយមាស៣ ប្រាក់១ និងសំរឹទ្ធ៦។ ចំណែកខេត្តកំពត ឈរលេខ៣ ដណ្ដើមបានមេដាយសរុប ៥គ្រឿង មានមេដាយមាស៣ ប្រាក់១ និងសំរឹទ្ធ១។

គួរបញ្ជាក់ថា ការប្រកួតកីឡាសិស្សថ្នាក់ជាតិ លើកតី១ នឹងប្រារព្ធពិធីបិទការប្រកួតនាល្ងាចថ្ងៃទី១៨ ខែមិថុនា នេះហើយ បន្ទាប់ពីដំណើរការប្រកួតអស់រយៈពេល ៨ថ្ងៃកន្លងមក។ ប៉ុន្ដែមានប្រភេទកីឡាខ្លះបានបញ្ចប់ការ ប្រកួតទាំងស្រុង ខណៈកីឡាខ្លះ នឹងបន្ដប្រកួតរហូតដល់ល្ងាចនេះទើបបញ្ចប់ហើយចូលរួមពិធីបិទការប្រកួត ជាផ្លូវការតែម្ដង៕

You might also like More from author